Hver önnur stelpa

Ég verð að muna að fara í viðeigandi föt þegar ég mæti á elliheimilið. Ein gömul hvíslaði mjög hátt að starfsstúlkunni: "Mér finnst þetta ekki vera neinn prestur. Þetta er eins og hver önnur stelpa."

Margt býr í blogginu

Í bloggheimum búa vitrir og sannir mannvinir sem mega ekki vamm sitt vita. Þeir vanda um fyrir öðrum bloggurum sem lenda út af sporinu. Það er gott og blessað en mikið ósköp sárnaði mér þegar hagsýni mín var dregin í efa, sem hefur verið mitt vörumerki fram til þessa eins og allir sem til mín þekkja vita. Eins gott að skrápurinn er þverhandar þykkur.

Gott hjá stelpunum

Ef að það eru lög í landinu, er þá ekki rétt að framfylgja þeim??
Annars hefur mér sjálfri ýtrekað tekist að komast í kast við lögin, þrátt fyrir undirmönnun hjá lögreglunni á Sauðárkróki. Ég er krónískur farsímanotandi og ek gjarnan með aðra hönd á stýri eins og Bjössi um árið. Þá kemur ógurlega pirruð lögga (utanbæjarmaður, ekki að spyrja að) og skammar mig fyrst og sektar svo.

Femínistafélagið kærir Vísa-klám

Veik og lasin

Hér er komin upp hin versta pesti, með ógurlegri hálsbólgu og beinverkjum, ásamt hita. Ég er búin að liggja óvíg síðan á á laugardagskvöld. Nú þarf ég að biðja Guð um æðruleysi og þolinmæði, því hún ég þykist ekki hafa neinn tíma í að vera lasin. Þó er huggun harmi gegn að yngri meðlimir fjölskyldunnar hafa sloppið hingað til.

Rebbar í draumi

Er ekki einhver draumspakur eða spök? Í tvígang hefur mig dreymt refi,stálpaða yrðlinga, réttara sagt. Í bæði skiptin var ég eitthvað að vandræðast með rebbana, reyna að ná þeim en það gekk ekki, samt voru þeir að þvælast í kringum mig. Er þetta augljóslega fyrir einhverju?
Var að koma af Skaganum, það er ástæðan fyrir því að ég er ekki sofnuð.

Rólegur dagur?

Ég vildi að ég gæti sagt það sama:-)

Rólegur dagur

Alþjóðlegt símaat

Fékk öran hjartslátt í nokkrar sekúntur, hélt að þetta hefði verið eitthvert sóknarbarna minna af Skaganum. Það voru ástæðulausar áhyggjur. Merkilegt að þetta sé hægt.

Skagapiltur pantaði viðtal við Bush

Baðstofustemming í skammdeginu

Hér er ég, góðan daginn..
Feðginin eru lasin með kvef og pest, annað sefur en hitt horfir á Stubbana og sænska farin að baka lúsíubollur fyrir klukkan níu. Veðrið er yndislegt og myrkrið mjúk og notalegt.

Maríur eru mikilvægar

Rakst á þessa fallegu mynd af Maríu Guðsmóður og Maríu Magdalenu með Jesús. Held reyndar að Maríe okkar heima sem hugsar um fjölskylduna í Túni nr.1 sé ekki guðlegrar ættar en hún gæti alveg verið.

Fullkominn Söru tími

Hvenær á ég að gera sörurnar? Ég verð að gera sörur, þær eru svo hrikalega góðar. Það er erfitt að finna rétta tíma til sörubaksturs. Í fyrsta lagi, er það mjög tímafrekt og ég hef svo sem enga ofgnótt af tíma frekar en aðrir. Í örðu lagi má það ekki gerast of snemma því heimilisfólkið er sjúkt í sörur og því oft farið að minnka í bauknum þegar sjálf jólin koma. Einu sinni merki merki ég boxið með sörunum TÓLG. Ég hef aldrei á minni lífs fæddri ævi átt tólg en man eftir að hafa rekist á rækilega merkta tólg í frystinum hjá mömmu. Var hálft í hvoru að reyna að villa um fyrir sjálfri mér og Tóti keyti þetta lúalega trix alveg. Svo komst það auðvitað upp um síðir eins og flest svik. Hjörsi heitinn sagði mér oft mjög skemmtilega sögu af manni sem fékk engar jólagjafir. Hann ákvað því að gefa sér sjálfur gjöf og pakkaði inn og til að koma sér á óvart skrifaði hann "skrúfjárn" utan á pakkann. Varð svo hissa og glaður þegar að hann fékk bók.