Heilsuátak (nr.XXX)

Hef afráðið að fara að ráði Jóhönnu vinkonu minnar og hefja heisluátak. Mjög langt síðan ég hef farið í heilsuátak en hef þó bæði farið oft í slík átök og þá gjarnan byrjað snarpt og oftast endað snögglega. Þetta heilsuátak felur í sér að minnka sætinda át og hvítt hveiti. Í kreppunni get ég ekki gert kúabændum að draga úr mjólkurneyslu, svo ég keypti skyr og rjóma í hádegismat handa hestamanninum sem birtist hér slæptur og ferðalúinn um sexleytið í morgun. Fagnaðarlátum barnanna ætlaði aldrei að linna. Heilsuátakið kemur í kjölfar sukksamrar helgar; ég fór á mjög skemmtilega árshátíð og át á mig gat og skírnarveislu í gærdag og át aftur á mig gat. Að vísu hefði ég getað farið í skírnarveislu á laugardag líka og sjötugs afmæli en einhvers staðar verður að draga mörkin.
Ástríkur og Steinríkur á ólympíuleikunum reyndist verulega ofbeldisfull fjölskyldumynd. Kannski er alveg hætt að gera fallegar myndir ætlaðar börnum?

Athugasemdir

[Jónína Benediktsdóttir, 3.3.2008 kl. 12:46]

Gangi þér vel!! Ef ég get aðstoðað þig þá sendu mér fyrirspurnir á [e-mail]

kær kveðja,

Jónína Ben

Líttu líka á slóðina :detox.is

[Jóhanna Magnúsar- og Völudóttir , 3.3.2008 kl. 16:35]

TIL HAMINGJU! Ég fylgist með  ... málið er bara einmitt að gefast ekki upp.. Mind over matter! ..

[Gísli Gunnarsson (IP-tala skráð) 4.3.2008 kl. 11:23]

Ertu nokkuð á leið í detox ferð til Póllands eins og Gunnar í Krossinum?

[Sigríður Gunnarsdóttir, 4.3.2008 kl. 11:49]

Ekki hafði ég það á stefnuskránni. Hefði verið frábært að komast með Gunnari í afeitrunarferð til Póllands. Hann hlítur að hafa farið með Jónínu Ben.

Varð að fresta afsykrun um einn dag, Tóti var að koma heim frá Sviss og var með dálítið af þarlendu súkkulaði sem ég gat ekki hugsað mér að vita af í búrinu. Ákvað því að borða súkkulaðið fyrst og halda svo áfram með átakið:-)

[Kolbrún Baldursdóttir, 4.3.2008 kl. 23:13]

Já er ekki ágætt að draga úr mjólkurneyslu, ger og sykurneyslu. Best finnst mér ef hægt er að borða léttan kvöldmat sem sagt fara ekki úttroðin að sofa.

En þetta er allt svo einstaklingsbundið.

[Jóhanna Magnúsar- og Völudóttir , 5.3.2008 kl. 22:51]

Hæ Sigga - uppáhaldssetning Garfields: ,,Diet starts tomorrow"

[Guðrún Helgadóttir, 6.3.2008 kl. 09:55]

Heyrðu Sigga komdu bara í www.lifshlaupid.is - svo gerði Óli líka fínt æfingaprógramm fyrir mig og gaf mér í jólagjöf, það heitir Mössun mömmu og ég lít á það sem besta kompliment sem ég fékk á síðasta ári! Ég er alveg til í að deila því!