Skammvinn hreinsun

Fékk svo svæsna hálsbólgu um helgina eins og fram hefur komið áður, að allt sem mér vanalega þótti gott á bragðið varð voða voða vont á bragðið. Meira að segja sódavatn. Í tilefni af því ákvað ég að fara í koffín hreinsun og hætta að drekka kaffi. Það bindindi stóð í þrjá daga. Gott að ég er ekki í harðari efnum, fyrst sjálfstjórnin er ekki meiri en raun ber vitni.

Athugasemdir

[Kolbrún Baldursdóttir, 9.3.2007 kl. 20:56]

Gæti ekki lifað án kaffis, alla vega má frekar segja, myndi ekki vilja vera án kaffis. Fyrsti bollinn á morgnana er æði. Held að þetta sé þrælhollur drykkur.